Кај сложените стоматолошки случаи кои се доминантно естестки изгледот на насмевката е проблематичен, а за негово санирање може да се потребни повеќе стоматолошки дисциплини. Главниот проблем понекогаш се искривени, ретки или пребоени заби, изгубени заби или лоши протетски изработки, или пак проблем е изгледот на непцето над забите а, понекогаш комбинација од двете.

Санирањето на овие проблеми оди во чекори а прво секогаш се прави детална анализа на преглед, со клинички фотографии, модели и заведување на потребните параметри и изработка на план на терапија.

Наш пристап е секогаш да работиме минимално инвазивно. Тоа значи за да постигнеме убава, хармонична насмевка гледаме да работиме на што помал број заби, односно со минимална корекција на некои од нив да се постигне комплетна целина. Потоа да ги избереме најдобрите материјали, кои ќе ја доловат природноста на емајлот, како и најсовремените материјали во работните фази, кои ќе овозможат таа софистицирана изработка да изгледа прекрасно и многу години потоа.

Некои од методите што рутински ги користиме при решавање на естетски сложените случаи се поместување на забите со безбојни фолии, професионални белења на забите, порцелански фасети како и непрепарирачки фасети (фасети без стругање на забите), естетска корекција на непцата, естетска корекција на рецесии на гингивата, корекција на пигментирана гингива, хируршка корекција на висока линија на насмевка, корекција на загризот и други.

Нашиот фокус на целината во естетиката, како и нашата спремност во естетскиот третман и на белиот и на розевиот дел од естетиката со софистицираност, минимална инвазивност и најсовремена технологија, ги прави нашите пациенти среќни и лојални, а ВЕГА препознатлив бренд во естетската стоматологија.