Некои заби ако имаат долгогодишен нетретиран кариес, тој не само што го уништува тврдото забно ткиво, туку го одумира и внатрешниот дел од забот односно неговата пулпа тн. „нерв“. Од таму инфекцијата низ коренскиот канал доаѓа до коската којашто може да се оштети и во неа да формира циста или „процеси“ кои водат до цисти. Понекогаш, несоодветни ендодонтски третмани, лоши пломби или коронки врз веќе лекувани заби може да дадат инфекција во коската и да доведат до вакви хронични промени во коската. Ако ендодонтскиот третман, кој е прв избор на терапија не го реши проблемот, или ако нема достапност за ендодонција, може да се направи хируршки зафат, со цел да се отстрани тоа хронично воспалено ткиво над или околу врвот на коренот на забот, заедно со врвот на коренот, да се исчисти коската, евентуално да се вгради вештачка коска и мембрана ако за тоа има услови и оправданост и забот да се спаси од вадење.

Цистектомија пак е интервенција кога хируршки се отстрануваат хронично-променета коска во која се формирала врќичка од сврзно ткиво. Таа може да е од големина ца. 1 cm дури и до неколку cm и да направи значително оштетување на коската затоа што нејзиниот раст е спор, но прогресивен. Затоа штом ќе се открие неопходно е да се извади, ако за тоа има потреба и оправданост изгубената коска може да се надополни со вештачка коска и мембрана со техниките за ткивно-водена регенерација.

Фазите на работа се исти како и при апикотомија, како и постоперативниот тек.