Вградување на дентални импланти е хируршка интервенција која ја спроведува тим од имплантолог и асистент. Се користи локална анестезија, истата што се користи за поправање или вадење на заби, што ја прави целата интервенција безболна. Интервенцијата започнува со подготовка, анестезија, имплантирање и давање на постоперативни инструкции. Обично, времетраењето за еден имплант е околу 40 минути. Детални информации за процесот добивате за време на првите информативни посети.
Самата интервенција е безболна, чувствувате само допир, но не и болка. По вградувањето на импланти, пациентите ретко чувствуваат болка. Чувството по завршувањето на анестезијата е најчесто чудно, како нешто да е работено, но тоа повеќе е дискомфорт отколку болка. Над 90% од нашите пациенти, во анкетите на контролните прегледи утредента, пријавуваат степен на болка од 2-3 на скала од 10. Иако препорачуваме аналгетици ако има болка по минувањето на анестезијата, многу пациенти не чувствуваат потреба да ги користат.
По интервенцијата, пациентите добиваат писмени и усни инструкции за нега. Важно е да се мирува и да се држи лед на оперираната страна во интервали од 5 минути. Мал оток утредента е очекуван, особено кај поголеми интервенции. Тоа е природна реакција на телото и исчезнува во неколку дена. Реактивниот оток не треба да се меша со инфективен оток, кој е голем и болен. Правилното следење на инструкциите спречува компликации.
Важно е да не се занемаруваат постоперативните инструкции, особено за физички активните луѓе. Непочитувањето може да предизвика мали или умерени компликации како оток или продолжено крварење. Затоа, секогаш следете ги препораките на вашиот доктор за да обезбедите успешен и безболен опоравок по вградувањето на импланти.
Во однос на планирањето можете да прочитате повеќе на следниот линк.
