Кога забите се оштетени од огромен кариес кој ја уништил скоро целата забна супстанца а, коренот на забот и одлично ендодонтски изработен, тогаш забот треба да се надополни кон џвакалната површина. За да се надополни видливиот дел од забот од кој понекогаш е останат само дел од еден ѕид, потребно е тој да се зајакне со колче кое се вградува во ендодонтски излекуваниот корен. Околу тоа колче се гради забното трупче од пломба со цел да се оформи доволно јака супстанца која може да носи коронка. Често пати овие заби се изедени до ниво на непцето, па за да ги спасиме правиме и корекција на непцето околу забот. Така формираме чисти услови за правило и здраво оптоварување на ваквите ионака ослабени заби. И покрај можноста забите да се излекуваат во сите тераписки чекори најдобро можно, сепак тие имаат поголем ризик од појава на проблем отколку здравите заби, особено намалена е нивната отпорност на џвакална сила. Затоа на нив треба особено да се внимава да не се загризува екстремно тврда храна како и постојано да имаат одлична хигиена.