Тоа се тенки, како контактна леќа порцелански луспи, кои се поставуваат на предната, видлива страна од забите со цел да корегираме форма, боја или поставеност на забот во низата.
За да планираме порцелански фасети постојат извесни услови:
Доколку некој од овие критериуми не е исполнет, пред планирање на порцелнаските фасети инеопходна е санација на истиот, без разалика дали с еработи за кариеси, воспаление на гингивата или отсуство на заби и сл. Кај пациентите кои страдаат од бруксизам и забите се масивно истрошени, изабени – потребна е специјална протетска анализа на загризот, корекција на истиот (ПОСЕБЕН ДЕЛ ЗА ЗАГРИЗ КЕ ПИШАМ) и на крај откако ќе се постават фасетите, неопходно е да се заштитат со цврст ноќен чувар.
Зависно од позицијата и големината на природните заби – порцеланските фасети можат да бидат со дебелина од 0.2мм – 1 мм. Позицијата на природните заби ни одредува дали за порцеланските фасети ќе биде потребно минимално или воопшто состругување на забите. Минималното состругување секогаш се трудиме да завршува на глеѓта односно во неосетливата забна површина. Се изработуваат во 2-3 посети за 7 работни дена.
Пред да преминеме на дизајн на вашата нова насмевка, истата ја планираме на модел во восок (wax up) и ја пресликуваме на вашите заби ( mock up) со цел да имате целосна претстава како ќе изгледаат крајните фасети во вашата уста, на вашата насмевка. Со овие пробни фасети, правиме фотографии, може да заминете дома и да ги носите до крајот на денот, по што лесно можете сами да ги симнете и да бидете сигурни пред да донесете одлука за естетската корекција.
Неверојатно популарните Lumineers се одликуваат со тоа што не бараат воопшто одземање на забна супстанца. Порцеланските фасети без стругање се изработуваат само во две посети, без болка, без анестезија и се целосно реверзибилни. Нашите Lumineers насмевки гордо ги носат многу пациенти, без никакви последици по природните заби, со трајност докажана преку клинички истражувања и до 20 години.
Значајна ни е довербата која ни ја давате, затоа исклучително ни е важно да ги имате сите информации во врска со процедурите кои ќе се применат, да имате можност да поставите прашања и одлуките за истите да ги донесете врз база на информираност. Бавната стоматологија е концепт, која како тим ја практикуваме повеќе од една деценија и низ нашата пракса имаме задоволство да ги следиме нашите пациенти со насмевки кои траат, здрави, солидни и трајни реставрации.
