Кога недостигаат заби во забниот низ, а околу беззабиот дел од вилицата има преостанати заби, може да се направи порцелански мост,  фиксно протетско решение, со кое беззабите делови се премостуваат благодарение на околните заби – носачи.  Понекогаш пак кога недостасуваат природни заби носачи таа улога можат да ја превземат денталните импланти.

Пред изработката на секој мост по редовен протокол ги проверуваме забите носачи,  со преглед, РТГ снимка, менуваме стари пломби или несоодветни ендодонтски полнења на каналите, правиме соодветни пародонтолошки третмани и ги доведуваме во состојба на здравје, со цел долгорочно да останат здрави и добри носачи на предвидениот порцелански мост.

Изработката на мостовите опфаќа неколку фази. Секоја фаза е извонредно важна за крајниот резултат да биде нормално џвакање, немање болка ниту дискомфорт, да има добро гингивално здравје и после подолго време. 

За таа цел ние сме целосно концентрирани во прецизноста на секоја протетска фаза. Првата, која е најдолга, опфаќа препарација на забите со анестезија за целиот процес да биде безболен, отпечатоци, правење на привремени – заштитни коронки… Во втората фаза веќе се пробува конструкцијата – базата на мостот при што се контролира неговата прецизност и се отстрануваат и најмалите нешта што не се според нашиот план. Во следната посета веќе го имаме мостот со порцелан кога контролираме многу работи од кои најдолго начинот на џвакање, обликот на лакот, односите со околните и спротивните заби, естетиката и тн. Последната фаза е дефинитивното цементирање на мостот после што нашите пациенти ги добиваат последните инструкции како да се вратат во нормална функција на џвакање со сите заби.

Тоа најчесто е краток процес но, кога целата изработка е направена прецизно и по најсовремените принципи, новите заби за краток период се прифаќаат и чувствуваат како свои.

Порцеланските мостови можат да бидат изработени од две групи на материјали. Едната содржи специјална метална легура која е скелетот на конструкцијата и која ја дава прецизноста и долготрајноста на мостот, а врз која се нанесуваат слоеви од порцелан кои ја даваат функцијата и естетиката на мостот.   Втората група на материјали за мост се од групата безметална керамика, со скелет или од цело парче од цирконија – бел материјал кој е од групата на преодни метали во периодниот систем на хемиските елементи. За тоа кој материјал е подобар кај секој поединечен случај одлучува докторот во разговор со пациентите а во зависност од потребите на дадената ситуација.

Трајноста на мостовите е едно често прашање на кое одговорот е дека порцеланските мостови се долготрајни изработки и стареат многу поспоро од нашите природни ткива. Она што сè уште не е надминато е трајноста на цементите што ги спојуваат забите и мостовите. Таа врска што ја формираат најсовремените цементи по десетина година трпи оштетувања, прави микропорозност и се измива, како резултат на што забите под мостот почнуваат да се оштетуваат. Затоа клучни се редовните професионални чистења на забите на кои правиме детални проверки кога е време еден мост да се замени со нов, а забите носачи да останат здрави и силни носачи и на новиот мост. 

Со задоволство можеме да кажеме дека статистиката од нашите протетски изработки укажува на интерниционално потврдени, високи проценти на долгорочно успешни фиксни протетски изработки, без неприлики од типот на постојани отцементирувања, долгорочна болка или воспалени гингиви.  

За повеќе информации секогаш е најкорисно да се закаже консултација и преглед на кој можеме да ги откриеме желбите но и стравовите и да им помогнеме на нашите пациенти да си ја вратат џвакалната функција и естетиката.