Доминантно-протетски случаи се стоматолошки ситуации каде што протетските решенија играат клучна улога во лечењето и обновувањето на оралната функција. Овие случаи се карактеризираат со значителни загуби или оштетувања на забите, што ја прави потребна употребата на протетски надоместоци како што се коронки, мостови, протези или импланти.
Во текот на животот, некои заби мора да се извадат, што доведува до постепено губење на значителен број на заби. Ова повлекува и отежнато, неефикасно џвакање на храната. Забите кај некои луѓе се вадат поради последици од бројни кариеси и лекувања, кои со текот на годините го ослабуваат коренот. Нелекувани кариеси исто така предизвикуваат исчезнување на тврдата забна маса, додека пародонтопатијата ја уништува околината на забот.
Кај овие луѓе, правилниот сооднос на забите (оклузија) е изгубен. За поефикасно џвакање, прават принудни движења со вилицата, што дополнително ги оштетува преостанатите заби. Ова доведува до неправилно авење или расклатување на останатите заби. Преостанатите заби мигрираат, полека се поместуваат, а забниот лак станува неправилен, со раздвоени и искривени заби.
Лекувањето на овие состојби вклучува целосно санирање на забалото. Целта на овој сложен протетски третман е враќање на правилните соодноси на забите во мирување и функција. Ова подразбира пополнување на празнините, надополнување на изгубените заби и враќање на естетиката.
Лоша услуга е парцијално решавање на некој празен простор, оставајќи ги останатите проблеми нерешени, што води кон нови проблеми.
Протетскиот третман е суштински за враќање на функционалноста и изгледот на забите, обезбедувајќи долготрајни резултати и подобрување на квалитетот на животот на пациентите.
Со повеќе од една деценија искуство, нашиот тим за орална хирургија е тука за вас! Контактирајте нè за повеќе информации и закажување на термин!
