Порцеланска коронка претставува замена за видливиот, белиот дел од забот, кој заради масивни оштетувања морал да биде заменет со нов, порцелански заб.

Забите кои се оштетени од кариес од многу страни всушност немаат речи си воопшто природна забна супстанца. Таа е заменета со пломби. Но, кога пломбите претставуваат поголем дел од забот, треба да се заменат со порцеланска коронка заради тоа што ако се преголеми водат кон кршење на забот и евентуално негово вадење.

Затоа најкорисно е огромните пломби да се заменат со коронки. Со тоа забот станува постабилен и многу му се продолжува векот на траење.

Коронки во ВЕГА поставуваме најчесто на заби кои имаат ризик Ц и Д од фрактура (висок ризик од скршување заради големи загуби на ткиво). Најчесто тоа се веќе „умртвени“ заби, па подготовката на забот во форма за отпечатување не боли воопшто ниту пак е потребна анестезија.

Ако пак станува збор за заб кој е жив а носи огромна пломба, тогаш неговата подготовка (стругање т.е. препарација) се прави безболно со помош на локална анестезија.

Фазите на работа се неколку посети. Првата е препарација, отпечатување и правење на заштитна коронка. Втората – по неколку дена – е проба на основата на коронката. Потоа следи проба на порцеланот или честопати при мали и високо-прецизни изработки, може во истата посета готовата коронка трајно да се цементира.

Коронките може да бидат изработена од палента на материјали. Едната е на метална основа да се направи порцелански заб, кој се прави во иста боја како и природните заби. Нив почесто ги употребуваме во задните регии на устата. На предните заби најчесто изработуваме коронки од материјални што не содржат метална основа, тн. безметална керамика која многу верно ја отсликува природата, но и тука има избор на материјали согласно потребите и индикациите, а по совет на докторот.

Меѓу секоја фаза, протетските изработки се работат во заботехничка лабораторија. Заради тоа постои едно минимално време кое е неопходно една квалитетна протетска изработка да се изготви. Ние за тоа не правиме компромиси. Наша цел е долгорочно квалитетна изработка а за тоа неопходно е да се има стручност, врвен избор на материјалите за отпечатување, цементирање, забо-техничката лабораторија и координиран тим.

Исполнувајќи ги овие услови, нашите протетски изработки лежат природно до околните меки забни ткива, не ја оштетуваат ниту ја разболуваат гинигвата, туку напротив претставуваат хармонична и природна целост со околните ткива во устата и многу години по носењето, на што сме особено горди.