Кога порцеланските коронки кои се поставени врз природни заби – носачи, не се четкаат или не се чистат професионално, може да се случи по извесен број години да се појави кариес на забот носач, на спојот на забот со коронката. Тоа значително го намалува векот на протетската изработка затоа што забот под него може да почне да боли или да се скрши во краен случај. Кога ваква состојба ќе се детектира при редовна контрола и чистење на забите, старата коронка треба да се отстрани а забот носач комплетно да се исчисти, пломбира или да се направат додатни терапевтски процедури и дури потоа да се направи нова коронка врз истиот заб носач. При редовни чистења и нормална домашна орална хигиена ова е многу ретка појава, поради што најдоброто што можете да го направите за да ги заштите своите протетски изработки е одлична домашна и професионална орална хигиена два пати во годината.