Напредната пародонтална болест е хронична и прогресивна болест и прави дефекти околу забите подлабоки и од 5 мм. За таа цел терапијата, освен погорните фази, опфаќа и хируршки третман на некои зони од устата каде што во дефектите што настанале се пресадува коска која е вештачка и во комбинација со природната коска овозможува намалување на пародонталните дефекти до ниво безбедно да можат да се одржат здрави.

Хируршката процедура опфаќа локална анестезија иста како и онаа за поправање на заб од кариес. Процедурата се изведува по однапрад дефиниран протокол со специјалисти во областа на пародонтологијата и оралната хирургија со врвни материјали и опрема кои даваат многу добри резултати. Постоперативно обично нема ниту болка, ниту оток но има препораки кои треба да се почитуваат, како мирување првиот ден, соодветна исхрана и хигиена на забите во следните неколку дена. Многу ретко при пообемни интервенции има многу мал реактивен оток кој се ресорбира во текот на следните денови.

Хируршкото вградување на вештачка коска е специфична процедура која кај нас е рутинска и на наше огромно задоволство овозможува зголемување на обемот на коската со што забите стануваат поцврсти.