Среќни сме што едни од нашите најбарани протетски услуги се всушност овие, пред се’ заради нашата особена посветеност на имитирањето и разубавувањето на природниот изглед на секој поединец. 

Безметалната керамика е многу современа и софистицирана технологија на протетски изработки во стоматологијата но, денес тоа е една цела палета од производи. Тие се разликуваат и по хемискиот состав и по физичките својства како што е прозрачноста, густината на бојата, можноста за обработка, истрајноста на притисок, еластичноста, способноста да биде поврзана со друг материјал и друго.

Во некои состојби треба да се изработи само еден преден заб и тој совршено да се вклопи со останатите, или пак да се направи мост или коронка врз имплант. За секоја од овие три индикации, соодветна е разалична безметална керамика. 

Изборот на видот протетска изработка што треба да се направи, како и конкретниот материјал кога станува збор за безметална керамика го прави докторот. Секоја протетска ситуација може да се реши на минимум два начина но, ако веќе станува збор за изборот на безметална керамика – тој треба да биде од докторот кој во своето знаење и искуство може да направи правилна проценка за издржливоста и изгледот на дефинитивната изработка.

Убавината на безметалната керамика е само еден аспект на овој материјал. Другиот кој е уште поважен е истрајноста и прецизноста со која овие материјални можат да се обработат. 

Но, не смее да се пренебрегне фактот дека убавината и хармоничноста со природните заби не потекнува само од изборот на материјалот. Високата прецизност при нашата работа, бара соодветен избор на најпрецизни маси за отпечатување, избор на палета од адхезивни цементи, со различни бои и прозрачности, чие вешто ракување многу влијае на крајниот резултат, како и изборот на соодветната забна техника. 

Само високо-прецизни протетски изработки со вклучени аспекти на забалото како целина, може да дадат здрава гингива и долгорочна естетика а вистинскиот избор на материјал долгорочност без проблеми.