Ако забите се поправат пред бременоста а, ако во тек на бременоста се направат барем едно или пожелно две професионални чистења на забите, воспалението на непцата се смирува или се ублажува и забите кои се исчистени од наслагите остануваат здрави.
Поправањето на заб во бременост е безбедна процедура, но се препорачува контрола и поправки на заби да се направат пред бременоста за да се избегнат можни пролонгирани интервенции или компликации и потреба од лекови.
Во бременоста е препорачливо да се направи чистење на забите од наслаги и тоа по 3.-тиот месец на бременоста и во 7.-иот месец на бременоста, заради хормонските промени кои влијаат на непцата и предизвикуваат нивно воспаление. Со професионално чистење на забите кај бремените жени се намалува воспалението и се спречува појавата на кариеси, со цел жената и покрај бременоста да нема ниту еден новорасипан заб.